maràculu , nm: meràcula, meràculu, miràculu Definitzione òpera, fata, cosa ispantosa, meravigiosa, istraordinària chi no s'ischit ispiegare coment'e un'efetu de càusas chi si connoschent e chi sa fide atribbuit a sa volontade de Deus o de unu santu / a logos, pro ispantu (e antífrasi), meràcula Frases candho pro tene vida apo pedidu, Deus mi at su meràculu negadu ◊ donzi tantu si arriscaiat a fàchere su meràculu de sanare unu refriu 2. est unu meràculu chi sezis ghiraos de sa gherra ◊ ne fachet de meràculos su dinari!…◊ dilgrasciada, meràcula no ti at faladu ira in caminu! ◊ meràcula comente no lis at intradu denúntzia! Ètimu itl. Tradutziones Frantzesu miracle Ingresu miracle Ispagnolu milagro Italianu miràcolo Tedescu Wunder.

«« Torra a chircare