Legenda Incurtzaduras | Legenda Sìmbulos

brufulàgiu , nm: brufularzu, brufurarzu, buferarzu, bufularju, bufuraju, bufurarju, bufurarzu, burvuraju, profurarzu Definitzione crunculleu, puzone trinu, de turra, de palatu, unu de is pigionedhos prus connotos, faet meda su niu in is domos puru Sinònimos e contràrios afuràrgiu, craculeu, crucúciu, fruferarzu*, frufurinu, mamegherisi, muntonarjari, murinàgiu, pibischirra, poforinu, trinedha, tziria Frases assora sos brufularzos fint cantendhe ◊ s'at falau unu bolu mannu de bufurarjos in su piatzale cuscuzandhe fasfaruzas Terminologia iscientìfica pzn, passer hispaniolensis Tradutziones Frantzesu moineau Ingresu sparrow Ispagnolu gorrión Italianu pàssero Tedescu Weidensperling.

craculèu , nm: crucueu, cruculeu, cruculleu, crunculleu, curculeu, curculleo Definitzione s'arratza sarda de su pigione trinu, de turra o de palatu, pigione múrinu o murinatzu: una calidade (passer montanus) faet abbitu mescamente in sa parte prus a mesudie; persona pitichedha / min. crucuelledhu, cruculededhu; fémina crucullea = conchilébia Sinònimos e contràrios afuràrgiu, brufulàgiu, crucúciu, fruferarzu, frufurinu, mamegherisi, muntonarjari, murinàgiu, pibischirra, poforinu, trinedha, tziria Frases is crucuelledhus si funt papendi sa farra chi mi est arruta foras ◊ ndhe at bistu de crunculleos e de isturros cuss'úmbulu!…◊ is crucueus pesendisindi de terra ant fatu una frusialla cun is alas 2. no mi fiat partu berus chi unu curculeuedhu diaici comenti e giaja portàt in corpus totu cuss'aragoni! Terminologia iscientìfica pzn, passer hispaniolensis Tradutziones Frantzesu moineau Ingresu sparrow Ispagnolu gorrión Italianu pàssera sarda Tedescu Weidensperling.

crucúciu , nm Definitzione s'arratza sarda de su puzone trinu, de turra, de palatu, pigione múrinu o murinatzu Sinònimos e contràrios afuràrgiu, brufulàgiu, craculeu, frufurinu, muntonarjari, pibischirra, poforinu, trinedha, tziria Frases dhoi fiat unu gherrígiu de crucúcius acujendisí ◊ chi dhu cassat, su crucúciu, ndi dhi segat sa conca a límpiu Terminologia iscientìfica pzn, passer hispaniolensis Tradutziones Frantzesu moineau Ingresu sparrow Ispagnolu gorrión Italianu pàssera sarda Tedescu Weidensperling.

fruferàrzu , nm: frufurarzu, fuferazu, fufuraju, fulferalzu, furferalzu, furferarzu, furfularju, furfuraju, furfurarju, furfurarzu, fusferarzu Definitzione puzone trinu, de turra, de palatu, pigione múrinu o murinatzu, connotu meda ca faet meda su niu fintzes in is teuladas (e fintzes in is matas) Sinònimos e contràrios afuràrgiu, bidhisone, brufulàgiu, craculeu, crucúciu, frufurinu, fúrfure 1, mamegherisi, muntonarjari, murinàgiu, pibischirra, poforinu, trinedha, tziria Frases narant chi sunt andhendhe a catza russa e isparant a sos furferarzos! ◊ su cànticu tou est unu píliu de furfularju pérdiu in d-una temporada mala ◊ duos fufurajos ant carratu lana pro fàchere su nidu 2. est allegru che furferalzu Sambenados e Provèrbios prb: fulferalzu in gianna temporada manna Terminologia iscientìfica pzn, passer hispaniolensis, p. montanus Ètimu ltn. furfurareus Tradutziones Frantzesu moineau Ingresu sparrow Ispagnolu gorrión Italianu pàssero Tedescu eine Sperlingssorte, Feldsperling, Feldspatz.

frufurínu , nm: fulferinu, fulfurinu, furfurinu Definitzione s’arratza sarda de su puzone trinu, de turra, de palatu, pigione múrinu o murinatzu; in cobertantza nau de ccn., feminari (furfurinu, paga vida!) Sinònimos e contràrios afuràrgiu, brufulàgiu, craculeu, crucúciu, fruferarzu, mamegherisi, muntonarjari, murinàgiu, pibischirra, poforinu, trinedha, tziria Frases sos furfurinos pienant un'àrvere manna de alas e de càntigos ◊ sos furfurinos si mànigant su laorzu ◊ e finidemindhela, o fulfurinos, custu ciulamentu! ◊ sos fulferinos chirchendhe asséliu punnant a trumadas a sa solzaga Terminologia iscientìfica pzn, passer hispaniolensis, p. montanus Ètimu srd. Tradutziones Frantzesu moineau Ingresu sparrow Ispagnolu gorrión moruno, gorrión molinero Italianu pàssera sarda Tedescu eine Sperlingssorte, Feldsperling, Feldspatz.

gigièdha , nf Definitzione nau foedhandho cun pipios, sa piscita Sinònimos e contràrios barralica Terminologia iscientìfica crn Tradutziones Frantzesu zizi, petit moineau Ingresu willy (children) Ispagnolu pilila Italianu bischeretto dei ragazzini Tedescu Piephahn.

profuràrzu , nm: brufulàgiu, prufurarzu, puburalzu, purferarzu, purfurarzu, pusfurarzu Definitzione puzone trinu, de turra, de palatu, puzone múrinu o murinatzu, su crunculleu, unu pigionedhu de is prus connotos ca faet meda su niu in is teuladas Sinònimos e contràrios afuràrgiu, craculeu, crucúciu, fruferarzu*, frufurinu, muntonarjari, murinàgiu, poforinu Frases pusfurarzu, procura su fenu a fàghere nidu! ◊ sos purfurarzos faghent su nidu in sa rundha de sas caberturas ◊ profurarzu e cardellina, totu sunt annenne male! Terminologia iscientìfica pzn, passer hispaniolensis. Tradutziones Frantzesu moineau Ingresu sparrow Ispagnolu gorrión moruno Italianu pàssero Tedescu Weidensperling.

«« Torra a chircare