Legenda Incurtzaduras | Legenda Sìmbulos

achizolàdu , pps, agt Definitzione de achizolare; chi est apartau o postu in calecunu cugigone Sinònimos e contràrios acungonau, acuzonadu, arrenconau Tradutziones Frantzesu rencogné, niché, tapi Ingresu put in a corner Ispagnolu arrinconar Italianu incantucciato Tedescu gestöbert (in Winkeln), verkrochen.

caníle , nm Definitzione aprigu po is canes Tradutziones Frantzesu niche à chien Ingresu kennels Ispagnolu perrera Italianu canile Tedescu Hundezwinger.

inníciu , nm: (in-ní-ciu) níciu* Definitzione genia de culumberi, mannu e artu, sestau cun base a mesa luna, fatu in is muros de is crésias po dhue pònnere unu santu Sinònimos e contràrios mitzu Frases no depimus pònnere sa limba in campusantu e ne sos poetas in s'inníciu: sa limba devet èssere bia ◊ l'ant posta in s'inníciu e si ponent in adorassione comente si faghet cun sos santos Tradutziones Frantzesu niche Ingresu niche Ispagnolu nicho Italianu nìcchia Tedescu Nische.

níciu , nm: inníciu, nitza, nitzu Definitzione tretu buidu lassau apostadamente in muros grussos, mannu e artu, ischeau a tundhu, cun base a mesa luna, prus che àteru in is muros de is crésias po dhue pònnere unu santu (ma a logos narant nitzu a su naschimentu puru, comente dhu faent po ammostu)/ min. nicixedhu Sinònimos e contràrios mitzu / ttrs. inníciu Frases in is nícius de is tumbas de s'antigóriu dhoi poniant làntias e brochitus ◊ me is nícius ponint is santus in crésia ◊ sa perchighedha pariat un'ispétzia de nitzu ◊ sos santos totus parent a momentu de si ndhe bolare dae sa nitza Ètimu spn. Tradutziones Frantzesu niche Ingresu niche Ispagnolu nicho Italianu nìcchia Tedescu Nische.

tumbínu , nm Definitzione loghighedhu fabbricau ue che assentant su baulu cun su mortu; in is orrugas de is bidhas, apertura a paris de terra de una fogna (fintzes po abba próina e abbandha in su tretu de sa coreta) Sinònimos e contràrios losa, tumba Frases pro candho morzo no cherzo tumbinu ◊ su campusantu fiat sentza de tumbinus ◊ candu nci dh'ant postu in su tumbinu, sa mulleri at fatu finta de si dimajai 2. sa frotza de s'àcua nd'iat iscovecau is tumbinus de sa bia e at allagau Tradutziones Frantzesu niche Ingresu loculus Ispagnolu nicho Italianu lòculo Tedescu Grabnische.

«« Torra a chircare