Legenda Incurtzaduras | Legenda Sìmbulos

gustàri , nm Definitzione su primu papare de sa die, su mengianu, ma fintzes su de duos, su de mesudie Sinònimos e contràrios immulzu / pragnu Tradutziones Frantzesu petit-déjeuner Ingresu breakfast, lunch Ispagnolu desayuno Italianu colazióne Tedescu Frühstück, Mittagessen.

immulzàre , vrb: immurgiare, immurzare, irmurjare, irmurzai, irmurzare, ismugliare, ismulzai, ismurzare, smurzai Definitzione papare a mengianu, fàerei s'immúrgiu Sinònimos e contràrios gustai, murzai Frases a s'ora de ismulzai mi pichetu tres fogatzas ◊ bàtindhe su conchedhu de su giodhu ca immurzamus! ◊ mi apo irmurzadu una bella supa de late ◊ irmúrjati antis de tucare! ◊ nonna e neta si sunt postas a immulzare ◊ a bustare e a ismugliare bi fiat sa matessi bundhàntzia ◊ su fizu est irmurzàndhesi a pane e casu Sambenados e Provèrbios prb: chini cenat a binu irmurzat a abba Ètimu spn. almorzar Tradutziones Frantzesu prendre son petit-déjeuner Ingresu to breakfast Ispagnolu desayunar Italianu fare colazióne Tedescu frühstücken.

immúlzu , nm: immúrgiu, immurtzu, immurzu, immuzu, irmúrgiu, irmurju, irmurzu, ismulzu, ismurzu, smulzu Definitzione su chi si papat su mengianu, su primu papare de sa die Sinònimos e contràrios austu 1, gustari, murzu, puschena, suchena Frases est a pane e a casu a immurzu, a merendha e a chena ◊ su manzanu ndhe ischidat su pisedhu, li daet s'immulzu e lu mandhat a iscola ◊ de cussus natalis errigaus ndi papu peri a irmúrgiu ◊ fintzas si s'immurtzu fit bundhante, Antiogu est a càschidos Ètimu srd. Tradutziones Frantzesu petit-déjeuner Ingresu breakfast Ispagnolu desayuno Italianu colazióne Tedescu Frühstück.

suchenàre , vrb Definitzione papare a mengianu, fàere immúrgiu Sinònimos e contràrios irmurzare Frases sa bama fit isparta, pàsida, in sa tanca ínnida suchenendhe Ètimu ltn. subcenare Tradutziones Frantzesu prendre son petit-déjeuner Ingresu to have breakfast Ispagnolu desayunar Italianu far colazióne Tedescu frühstücken.

«« Torra a chircare