Ditzionàriu in línia
de sa limba e de sa cultura sarda

corsàriu , agt, nm: cossàriu 1 Definitzione chi o chie furat o idorrobbat naves; si narat fintzes de unu bagamundhu, chi istat sèmpere aifatu de su logu, o de animale iscapu a manu sua Sinònimos e contràrios bardaneri, corsali Frases sa corsària de sos coros miràdela chi est igue: si sos Moros sunt che tue, ancu mi cassent sos Moros! ◊ si fit a modu de ti ndhe furare, coment'e Paris a s'ermosa Elena, dia andhare corsàriu in terr'anzena pro una bella a mi fagher ladrone (Cubeddu) Ètimu spn. corsario Tradutziones Frantzesu corsaire, pirate Ingresu pirate Ispagnolu corsario Italianu corsaro, pirata Tedescu Seeräuber.