Ditzionàriu in línia
de sa limba e de sa cultura sarda

semperemmài , avb: sempremmai Definitzione sempre mai: dhu narant in su sensu de possibbilidade ma bista coment'e cosa segura = seguramente, de seguru Sinònimos e contràrios prossimai Frases sempremmai l'ischit, isse! ◊ sempremmai la manizat che a tie, sa limba che treutu! ◊ sempremmai est gai, lómpidas a lu nàrrere! ◊ sempremmai cumpatit, chie at bonu sensu! ◊ acoghi postu s'est a fàghere cussa faina, sempremmai l'ischit comente cheret fata! ◊ semperemmai dh’as a fàere Tradutziones Frantzesu certainement, probablement Ingresu certainly Ispagnolu seguramente, probablemente Italianu certaménte, presumibilménte Tedescu sicherlich, wahrscheinlich.

sibbàstada , avb Sinònimos e contràrios dàbbile, forcis Frases sibbàstada at lassadu sa mesaborta de sa gianna abberta e su batu est vintradu dai cue: dai s'isperàllia de su bracone no podiat intrare ◊ sibbàstada est andhadu isse puru ◊ sibbàstada est vénnidu Tradutziones Frantzesu probablement Ingresu probably Ispagnolu probablemente Italianu probabilménte Tedescu wahrscheinlich.