Ditzionàriu in línia
de sa limba e de sa cultura sarda

maniéstu , nm Definitzione su maniestare, su manigiare sa cosa, faendhodha, nau pruschetotu de sa pasta faendho su pane; fintzes sa faina fata, sa pasta segada a orrugos po dha tèndhere e fàere a pane carasau Sinònimos e contràrios manígiu 2. sonniadu mi so un'artigianu che a mannedhu in s'edade pitzinna faghindhe maniestos totu a manu (P.Cosseddu)◊ Mariedha zughiat una bella carena e unu bellu maniestu de titas ◊ sas cochidores ant fatu maniestos prus mannos e dae cue sa cocone chin gherda Ètimu srd. Tradutziones Frantzesu manufacture, produit manufacturé Ingresu handmade Ispagnolu manufactura Italianu manifattura, manufatto Tedescu Herstellung.

prodótu , nm: produtu Definitzione totugantu su chi essit de su trebballu coment'e arresurtau, faina fata, e totugantu su chi essit de su matedu, de sa cosa prantada coment'e frutu Tradutziones Frantzesu produit Ingresu product Ispagnolu producto Italianu prodótto Tedescu Produkt.

produídu , pps: produiu Definitzione de produire Tradutziones Frantzesu produit Ingresu produced Ispagnolu producido Italianu prodótto Tedescu produziert, hergestellt.