Legenda Incurtzaduras | Legenda Sìmbulos

fornacéri , nm Definitzione chi contivígiat, atendhet unu furraghe, unu forru Sinònimos e contràrios forraju Terminologia iscientìfica prf Tradutziones Frantzesu propriétaire d'un four Ingresu kilnman Ispagnolu tejero Italianu fornaciàio Tedescu Brenner.

mère , nf, nm: meri Definitzione sa mere, su mere: chie tenet o possedit calecuna cosa (o tenet fintzes gente a dipèndhere, chi si ndhe serbit e dha cumandhat); podere de cumandhare in calecuna cosa; est fintzes foedhu de arrespetu tra pobidhu e pobidha po si tzerriare / min. merichedhu, merigedhu, merixedhu (fintzes su fígiu de su mere nau mere mannu) Sinònimos e contràrios maere, padronu | ctr. selvidore, teracu Maneras de nàrrere csn: èssere m. de ccn. cosa = àere sa cosa a manera de ndhe godire, de si ndhe serbire; ponnirisí m. de ccn. cosa (allena) = apoderaresila, impobidhaisindi; èssere che cosa chentza m. (nadu de logu) = totu irbandhonadu, chi no si chircat mai pro bi fàghere triballu o mezoru; betendhe boghe (in possessu chi no si connoschet su m.): "O su mere!", o, in sa domo, "O sa mere!"; èssere camba ’e mere (nadu de unu) = èssere unu de mesu, de sos meres, de domo; essire su mere = bènniri su meri de ccn. cosa pérdia, isciri chini est su meri de ccn. cosa Frases candu sa meri est maca, cumandat sa serbidora ◊ custa cosa no est tua: tòrrala a su mere! ◊ mi est bénnidu determinu de cambiare domo, bidha e mere ◊ in domo mia fia mere de totu: in domo anzena mancu de unu ticu de abba! ◊ o is meris, ci seis? 2. naradhu a sa meri! ◊ si essit su mere, custa cosa chi as àpidu li cheret torrada!◊ essidu est, su mere de su bestiàmine tenturadu? Sambenados e Provèrbios prb: aundi bollit su meri acapiaus su cuadhu ◊ mere nou, forramenta acutza! ◊ chi su meri si setzit, su serbidori si crocat Ètimu ltn. major Tradutziones Frantzesu maître, possesseur, propriétaire Ingresu owner Ispagnolu dueño, amo Italianu padróne, possessóre, proprietàrio Tedescu Besitzer.

propietàriu , nm: proprietàriu Definitzione chie podet èssere cunsiderau mere de calecuna cosa, ma mescamente chie tenet propriedades mannas, siendha meda Sinònimos e contràrios mere, ricu / cdh. pruprietàriu Frases andàt a fai sa braba a domu de is propietàrius ca podiant pagai su braberi cun duus mois de trigu s'annu ◊ sos irbirgos bostros sunt petzi a bos indepidare chin sos propietàrios e fachendhe gai non sezis teracu ma iscravu issoro!◊ unu proprietàriu teniat unu grandu giardinu Tradutziones Frantzesu propriétaire Ingresu owner Ispagnolu propietario Italianu proprietàrio Tedescu Besitzer.

«« Torra a chircare