Ditzionàriu in línia
de sa limba e de sa cultura sarda

achilièra , nf Definitzione àbbila de mare, genia de pigione mannu, papadore de petza, chi abbitat in is orrocas a oru a mare Terminologia iscientìfica pzn, haliaëtus albicilla Ètimu srd. Tradutziones Frantzesu balbuzard, aigle pêcheur Ingresu sea eagle Ispagnolu pigargo europeo Italianu àquila di mare Tedescu Seeadler.

cociulàju , nm Definitzione piscadore de cóciula, de gioga de mare Frases in tretu in tretu calincunu cociulaju, aciuvau in s'àcua, iscrucullat s'arena foxosa cun su ciuliru ◊ su cociulaju est remendi in su ciu andendi a fai arregorta Terminologia iscientìfica prf Ètimu srd. Tradutziones Frantzesu pêcheur d'arches Ingresu mussel fisher Ispagnolu pescador de almejas, mariscador Italianu pescatóre di arsèlle: arsellante Tedescu Muschelfischer.

pecadòre, pecadòri , nm Definitzione chie faet pecaos, ofesas a Deus Sinònimos e contràrios | ctr. santu Frases chie amat sa vida amat a Deu: finas su pecadore tristu e reu benit atratu (G.Deriu)◊ est prus meda s'allirghia pro unu pecadori torrau a Deus chi no po noranta noi chi biviant foras de s'errori Ètimu ltn. peccatore(m) Tradutziones Frantzesu pécheur Ingresu sinner Ispagnolu pecador Italianu peccatóre Tedescu Sünder.

piscadòre, piscadòri , nm: piscatore Definitzione chie piscat, chie faet sa faina de piscare; dhu narant fintzes a sa andaciana o pischeri, una genia de bobboitedhu de abba / p. de arrècia = chi piscat cun rete; p. de unda arta = de abba russa, de mari biu; camminai a trotixedhu de p. = a passu lestru po coitare a portare su pische ancora friscu a bèndhere Frases novas de piscadore: àcua meda, pisci pagu! Terminologia iscientìfica prf Ètimu ltn. piscatore(m) Tradutziones Frantzesu pêcheur Ingresu fisher Ispagnolu pescador Italianu pescatóre Tedescu Fischer.