ammonincàre , vrb Definitzione fàere a sa manera de is monincas (martinicas), chi faent su chi bient faendho, fàere a moninca Frases nos ant ammonincadu a faedhare in italianu Ètimu srd. Tradutziones Frantzesu singer, plagier Ingresu to ape, to plagiarize Ispagnolu remedar, plagiar Italianu scimmiottare, plagiare Tedescu nachahmen, plagiieren.

stòrciri , vrb: istòlchere*, stroci, stròciri Definitzione foedhare trochendho is murros e arrepitindho su chi narat s'àteru cambiandho sa boghe, cambiare in contràriu su significau de su chi si narat, fàere ingestos coment'e po pàrrere un'àteru po dhu pigare a befa, po erríere; si narat fintzes in su sensu de tròchere a betu contràriu una cosa atrotigada Sinònimos e contràrios inzestrare, istrochire, istrochizare, strochillai / isprofizare, stortixae Frases s'atori artista, strocendu óminis e animalis e adatendu is ingestus, is fais e is boxis, rendit berideru su bisu, su pensamentu de chini iscrít ma no fait Tradutziones Frantzesu singer Ingresu to ape, to pretend Ispagnolu remedar, imitar Italianu imitare, scimmiottare Tedescu nachahmen, nachäffen.

strochillài , vrb: strocillai Definitzione foedhare trochendho is murros e cambiandho sa boghe o fàere ingestos coment'e po pàrrere un'àteru po dhu pigare a befa, po erríere Sinònimos e contràrios istòlchere, istrochire, istrochizare / cantonare, ifutire Frases gopai fiat prexau candu as cumentzau a strochillai sa prallata! Ètimu srd. Tradutziones Frantzesu singer Ingresu to ape Ispagnolu remedar Italianu scimmiottare Tedescu nachäffen.

«« Torra a chircare