Legenda Incurtzaduras | Legenda Sìmbulos

ansúra , nf: assura Definitzione mancamentu de abba, gana manna de bufare Sinònimos e contràrios ansa, asciotura, asciutore, sicagna, sicoi, sicúmene Ètimu ltn. arsura Tradutziones Frantzesu sécheresse, aridité Ingresu scorching heat Ispagnolu sed, sequedad, aridez Italianu arsura Tedescu Trockenheit.

asciutòre, asciutòri , nm: assutore, isciutori Definitzione su èssere asciutu, nau de su tempus candho est de meda chentza pròere; nau de sa gente, candho est a disígiu de cosa frisca, suciosa, de frutuàriu, o fintzes de àteru Sinònimos e contràrios ansura, asciotura, sciugura, sicagna, sicoi, sicúmene / cdh. sicaria / ansa, apiliscadura | ctr. umidesa Frases tempus bellu? petzi est faghindhe assutore! ◊ cun totu cust'assutore si che ant a sicare fintzas sas àrbures 2. a s'assutore si mànigat fintzas su frutuàriu metzanu ◊ a s'assutore, no est istadu abbaidendhe si fit fémina bella ◊ cussos candho dhis pigat s'asciutore trincant a bruncu in ampudha Terminologia iscientìfica tpm Ètimu itl. asciuttore Tradutziones Frantzesu sécheresse, aridité Ingresu dryness Ispagnolu sequedad, sequía Italianu arsura, asciuttézza, secchézza Tedescu Trockenheit.

sicàgna , nf: sicàngia 1, sicanna, sicànnia, sicanza Definitzione tempus tropu longu chi abbarrat chentza pròere, su no pròere a tempus tropu Sinònimos e contràrios ansura, asciotura, asciutore, sicatzone, sicoi, sicúmene Frases sos terrinos sunt pragaos de sicannas ◊ tra sas sicagnas e su luminu tet èssere sa Sardigna unu desertu ◊ cussu laore chi aus betau est faendhe frundha mala cun totu custa sicagna! ◊ ocannu est annada de sicàngia Ètimu itl. seccagna Tradutziones Frantzesu sécheresse Ingresu drought Ispagnolu sequía Italianu siccità Tedescu Dürre.

sicòi , nm: sicore, sicori Definitzione tempus longu chentza pròere, mancamentu de abba Sinònimos e contràrios ansura, asciotura, asciutore, sciugura, sicagna, sicorja, sicúmene Frases custu logu patescit su sicoi Ètimu srd. Tradutziones Frantzesu sécheresse Ingresu aridity Ispagnolu sequía, sequedad Italianu siccità, secchézza Tedescu Dürre.

sicúra , nf Definitzione su èssere totu asciutu, sicau, fintzes tempus meda chentza pròere Sinònimos e contràrios sicore, sicorja Frases abbàmbaga su fogu de sa sicura! (G.Rju)◊ ite dolu chi ndhe apo de cussos fiados candho a sas sicuras los bidos rasighendhe sa terra!… Ètimu srd. Tradutziones Frantzesu sécheresse Ingresu dryness Ispagnolu sequedad Italianu secchézza Tedescu Trockenheit.

«« Torra a chircare