Ditzionàriu in línia
de sa limba e de sa cultura sarda

culibbiàncu , nm: culubbiancu Definitzione genia de pigione chi portat is alas niedhas, ma est totu biancu in bentre e in petorras e mescamente in su tretu de sa coa (chi però est in parte niedha puru); un'àtera arratza est niedhu deunudotu, foras su tretu de sa coa, chi est bianca ma no totu Terminologia iscientìfica pzn, oenanthe oenanthe, o. leucura Tradutziones Frantzesu motteux, cul-blanc, traquet Ingresu wheatear Ispagnolu collalba gris, collalba negra Italianu culbianco, monachèlla néra Tedescu Trauersteinschmätzer.

preidòto , nm Definitzione conca de moru; sa fémina de custu pigione est sa crabarissa Sinònimos e contràrios iscrarearju, ociada 3, sartiaredhu, sordaedhu Terminologia iscientìfica pzn, saxicola torquata rubicola, s. rubetra Ètimu srd. Tradutziones Frantzesu traquet Ingresu whinchat Ispagnolu tarabilla común, tarabilla norteña Italianu saltimpalo Tedescu Schwarzkehlchen.

sartiarédhu, sartiaréllu , nm Definitzione conca de moru, duas calidades de pigionedhos: sa prima in Sardigna nidat puru (e solu custa, su mascu, est a conca niedha), s'àtera che faet abbitu solu in passera in beranu Sinònimos e contràrios iscrarearju, ociada 3, preidoto, sordaedhu Terminologia iscientìfica pzn, saxicola torquata rubicola, s. rubetra Ètimu itl. salterello Tradutziones Frantzesu traquet (zool.) Ingresu whinchat Ispagnolu tarabilla común Italianu saltimpalo, stiaccino Tedescu Schwarzkehlchen, Braunkehlchen.