Ditzionàriu in línia
de sa limba e de sa cultura sarda

barràli , nm: parrali Definitzione pértiga de bide lassada crèschere longa, cun tantas pudas, istérria in artu in puntedhos, pértigas o cannitzada e fintzes custa etotu fata po mantènnere sa bide Sinònimos e contràrios agrustu, bégula, berguladu, bidichinzu, imbragu, lú, parra, pilighinzu, pórtiu, stassili, trica, tricarju Frases de su barrali mannu teneus is cantinas prenas de pabassa… Sambenados e Provèrbios smb: Barrale Ètimu spn. parral Tradutziones Frantzesu pergola, treille Ingresu bower Ispagnolu parra Italianu pèrgola Tedescu Laube.

bégula , nf, nm: bérgula, bérgulu, pérgula Definitzione canna de bide fata crèschere longa, cun pudones a meda e istérria in artu in frucàgios e pértigas (o fintzes in filos zingaos) Sinònimos e contràrios agrustu, barrali, berguladu, bidichinzu, imbragu, lú, parra, pilighinzu, pórtiu, stabi, trica, tricarju Frases at ammanitzadu unu furcalzu pro su bérgulu de s'ortu ◊ essia a giogare, a mi apicare subra de sas àrvures, in sa bégula ◊ su binu nostru est totu de ua de bérgulas Ètimu itl. Tradutziones Frantzesu pergola, treille Ingresu bower Ispagnolu parra Italianu pèrgola Tedescu Weinlaube.

bergulàdu , nm: pergulatu Definitzione pértia de bide fata crèschere longa, cun pudas a meda e istérria in frucàgios e pértigas o filos, in artu Sinònimos e contràrios agrustu, barrali, bégula, bidichinzu, imbragu, lú, parra, pilighinzu, pórtiu, stàgui, stassili, trica Frases sas traessas sunt totu fatas a berguladu Tradutziones Frantzesu pergola, treille Ingresu bower Ispagnolu parral Italianu pergolato Tedescu Weinlaube.

stassíle, stassíli , nm: istassile, statzile, statzili Definitzione canna o pértiga de bide fata a luo; genia de istatu o cannitzada apicada ue si ponet su casu (o àteru) po dh'afumare e asciutare, o chistire Sinònimos e contràrios barrali, berguladu, tricarju / arreciau, cadaletu 1, canníciu, casaletu Ètimu srd. Tradutziones Frantzesu pergola, treille Ingresu bower Ispagnolu parra Italianu pergolato Tedescu Laube.

tríca , nf: trícia 1, triga, trija, trixa Definitzione bide fata a luo e coment'e a órdine artu (ma si narat fintzes de su fundhu chi si prantat in s'intrada de is domos, a costau de sa genna, e s'isterret in paris arta)/ t. rosa = trígia, calidade de àghina orrubiasta Sinònimos e contràrios agrustu, barrali, bégula, berguladu, bidichinzu, imbragu, lú, parra, pilighinzu, pórtiu, tricarju Frases s'àghina est colore de oro, càrrigas ndhe sunt sas trigas ◊ dhoi iat àniga in sa triga candu seus calaus a bidha ◊ tziu Titinu si pessavat un'Orane chin sas trícias in cada domo ◊ daghi bogaiant de cabu de triballare si abbojaiant suta de sa trija Sambenados e Provèrbios smb: Tricas Ètimu ltn. *tric'la Tradutziones Frantzesu treille Ingresu pergola Ispagnolu parra Italianu pèrgola Tedescu Weinlaube.

tricàrju , nm: trigàgiu, trigarzu, trijarzu Definitzione bide fata a luo e coment'e a órdine artu: a logos su trigarzu est su linnàrgiu Sinònimos e contràrios agrustu, barrali, bégula, berguladu, bidichinzu, parra, pórtiu, stàgui, stassili, trica, trugalzu Frases cussu trigarzu est gàrrigu de budrones e de iscaluzedhos de àghina niedha ◊ s'ispórula andhat in sos tricarjos, mescamente in fundhos de ribu Ètimu srd. Tradutziones Frantzesu treille, berceau Ingresu bower Ispagnolu parra, emparrado Italianu pergolato Tedescu Weinlaube.