arreciàu , nm Definitzione incannitzada po amparare matas, po piscare Sinònimos e contràrios cadaletu 1, cannita, casaletu, casalire / cannitzada, incannitadu Frases a sa matixedha tocat a dhi ponni un'arreciau po su bentu ◊ me in s'arriu ant postu s'arreciau po cassai su pisci Ètimu ctl. reixat Tradutziones Frantzesu treillis Ingresu trellis Ispagnolu encañado Italianu gratìccio Tedescu Gitterwerk.

canníciu , nm, nf: cannissu, cannita, cannitu 2, cannitza, cannitzu Definitzione paristàgiu de canna apicau, a unu pianu solu, ue si ponet su casu o àteru po dh'afumare, asciutare, sicare (a logos, crocadórgiu de pudhas); teulada de canna intéssia Sinònimos e contràrios arreciau, cadaletu 1, casaletu, casalire, statzili / cannitzada, incannitadu Maneras de nàrrere csn: intzídiu pro pigare a cannitu = itl. afrodisìaco, cosa chi faghet arretare; pigare a cannitu = zúghere; giòmpere a cannitu = lòmpere a un'iscopu Frases subra de su foghile in su cannitu si afumat su regotu e su casu ◊ sas pudhas si che sunt postas in sa cannita, timindhe s'uraganu ◊ su canníciu est carrigau a castagna 2. su fumu essiat tra cannissu e teulada Sambenados e Provèrbios prb: aici balat Aritzu cantu balit cannitzu Ètimu ltn. canniciu(m) Tradutziones Frantzesu treillis, claie Ingresu hurdle Ispagnolu cañizo Italianu gratìccio Tedescu Gitterwerk.

cannitzàda , nf: acannitzada Definitzione sa canna intéssia de is teuladas Sinònimos e contràrios arreciau, canníciu, incannada 1, incannitadu Ètimu srd. Tradutziones Frantzesu treillis de roseaux Ingresu cane hurdle Ispagnolu cañizo Italianu gratìccio di canne Tedescu Rohrgeflecht.

incannitàdu , pps, nm: incannitau, incannitzau Definitzione de incannitare; sa canna intrada o acapiada apare po pònnere sa téula in is teuladas o fintzes in is istagnos po fàere sa pischera Sinònimos e contràrios arreciau, cannitzada, incannissadura 2. fit in su letu a ojos a s'incannitadu de sa cobertura Tradutziones Frantzesu treillis Ingresu hurdle Ispagnolu cañizo Italianu gratíccio Tedescu Rohrgeflecht.

«« Torra a chircare