Ditzionàriu in línia
de sa limba e de sa cultura sarda

aggangàe, aggangài , vrb: aggangare Definitzione pònnere is ganghedhas, s’atzavoga, pigare o istrínghere a gangas, a su tzugu; fintzes pònnere in apretu malu cun calecuna cosa, provare apretu malu ma nau coment'e chi siat a pigare a su tzugu su male, sa dificurtade Sinònimos e contràrios aggangulitare, aggangusare, aggrangugliare, apuligare, atuduxare, atzavogare, cannari, martinicare, strossai Frases chi po mala sorti nostra si ndi acatat, cussu si aggangat a totus! 2. su ricu zuchiat su póveru aggangàndhelu de fàmene ◊ no ischis canta suferéntzia apo aggangadu deo, bandhidandhe! ◊ contandhe onzunu su passadu s'irmentigaiat sas tribbulias chi in sa vida aiat aggangadu (B.Mazzone) Ètimu srd. Tradutziones Frantzesu étrangler Ingresu to strangle Ispagnolu estrangular Italianu strangolare Tedescu erdrosseln.

aggangulitàre, aggangullitàre , vrb Definitzione pònnere s’atzavoga, sa puligada, istrínghere in su tzugu cun ambas manos a unu de no dhi lassare torrare àlidu ne passare sàmbene Sinònimos e contràrios aggangusare, aggrangugliare, apuligare, atuduxare, atzavogare, cannari, istrangugliare, martinicare, strossai Ètimu srd. Tradutziones Frantzesu étrangler Ingresu to strangle Ispagnolu estrangular Italianu strangolare Tedescu erdrosseln.

aggangusàre , vrb Definitzione pònnere s’atzavoga, sa puligada, istrínghere in su tzugu cun ambas manos a unu de no dhi lassare torrare àlidu ne passare sàmbene Sinònimos e contràrios aggangae, aggrangugliare, aggangulitare, apuligare Ètimu srd. Tradutziones Frantzesu étrangler Ingresu to strangle Ispagnolu estrangular Italianu prèndere per la góla Tedescu würgen.

aggrangugliàre , vrb: aggrangulare Definitzione pigare a gangas, pònnere is manos istringhendho in su tzugu; rfl. acapiare, istare impare cun chie no si depet, afancedhare Sinònimos e contràrios aggangae, aggangulitare, apistijare, apuligare, atuduxare, martinicare, spretzugai, strossai Ètimu srd. Tradutziones Frantzesu étrangler Ingresu to throttle Ispagnolu estrangular Italianu strozzare Tedescu erdrosseln.

apuligàre , vrb Definitzione pònnere sa puligada, istrínghere a forte cun is manos (o fintzes cun àtera cosa) a inghíriu de su tzugu Sinònimos e contràrios afogare, aggangae, aggrangugliare, aggangulitare, apistijare, atuduxare, martinicare, strossai Frases s'àinu si est apuligadu cun sa fune Ètimu srd. Tradutziones Frantzesu étrangler Ingresu to strangle Ispagnolu estrangular Italianu strozzare Tedescu erdrosseln.

atuduxàre , vrb: atutuxare Definitzione pigare a unu a su tzugu o tuxu; cassare, firmare, leare Sinònimos e contràrios aggangae, aggrangugliare, aggangulitare, apistijare, apuligare, martinicare, strossai / arrestai 2. finamentas a candho no l'amus sighidu no semus reséssidos a l'atuduxare Ètimu srd. Tradutziones Frantzesu étrangler Ingresu to strangle Ispagnolu estrangular Italianu strozzare Tedescu erdrosseln.