Ditzionàriu in línia
de sa limba e de sa cultura sarda

corcadórju , nm: corcadorzu, crocadógiu, crocadórgiu, crocadroxu, curcadógiu Definitzione trastu o logu fatu a sa bona, de si dhue pòdere pònnere gente o animale a crocare; su abbarrare crocaos Sinònimos e contràrios acóbiu, acotu, dormitógliu, giachidorzu Frases fipo isterrimentatu in su corcatógliu 2. su corcadorzu lu betat a terra, a unu: tocat a si ndhe pesare fintzas sentíndhesi pagu bene! Ètimu srd. Tradutziones Frantzesu grabat Ingresu couch Ispagnolu jergón Italianu giacìglio Tedescu Lager.

otomàna, otomànu , nf, nm Definitzione cicidórgiu mannu, bonu, de domo, po assumancu tres o bàtoro personas Sinònimos e contràrios divanu Frases si ndhe pesant dai banca pro si che sere in s’otomana ◊ at preparadu sa bestimenta istérrida subra a un’otomana ◊ su dutore la fateit istèrrere in s'otomanu e la visiteit Ètimu itl. ottomano Tradutziones Frantzesu divan Ingresu sofa, couch Ispagnolu otomana Italianu divano Tedescu Couch.