Legenda Incurtzaduras | Legenda Sìmbulos

arropapanéri , nm Definitzione nau a befa, dutore malu, improdheri Ètimu srd. Tradutziones Frantzesu mauvais médecin Ingresu bad doctor Ispagnolu medicucho Italianu medicónzolo Tedescu schlechter Arzt.

datòri , nm: dotore, dotori, dutore Definitzione méigu, istudiau chi curat is maladias de sa gente; títulu de chie at cumpriu is istúdios de s'universidade; dotori est fintzes unu pigione (fratercula arctica) raru in Sardigna, calecuna borta in passera: est a bicu grussu grussu e curtzu, conca curtza e grussa Sinònimos e contràrios médicu Maneras de nàrrere csn: andhare a su d.; èssereche in su d. = anch'e su d., èssiri andau a su dotori po dhu fuedhai, po vísita; pesàrendhe su dutore = chircare su dutore intro de note pro bisonzu grave Frases atzerrieimidhu su dotori, ca m'intendu totu caramau! ◊ est cinesa virtude de pagare su dutore cantu durat sa salude ◊ gei ses un'orixedha cun is datoris… e ponidhi su genugu in brenti ca bis cumenti dhi giuat! ◊ azommai ne ischit cantu de unu dotore… cun pagu azunta!… 2. che fia in su dutore: mi at nadu a leare custa meighina ◊ a tui ita t'increscit, ca ses in su dotori? ◊ su dutore mi at iscritu custas meighinas Sambenados e Provèrbios prb: dutore dolentziosu, cura mala! Terminologia iscientìfica prf Ètimu itl. Tradutziones Frantzesu docteur Ingresu doctor Ispagnolu doctor Italianu dottóre Tedescu Arzt, Doktor.

médicu , nm, agt: méicu, megu, méigu Definitzione istudiau chi curat males de sa carena, maladias; chi pertocat is dutores o chi est cosa de dutore Sinònimos e contràrios datori Frases che méigu chi astringhet una bua chena dolore sou in carre anzena (Piras)◊ comente so recuidu a domo mi ant giamadu una cariadora, ca su méigu che fit essidu ◊ cussu est su corbu postu a médicu 2. cun sa dimandha bi cheret su tzertificadu médicu pro dochimentu Sambenados e Provèrbios prb: méigu piedosu liaga pudéscia ◊ ferida mala e méigu giòvanu!… Terminologia iscientìfica prf Ètimu ltn. medicu(m) Tradutziones Frantzesu médecin Ingresu doctor, medical Ispagnolu médico Italianu mèdico Tedescu Arzt, ärztlich.

«« Torra a chircare