Ditzionàriu in línia
de sa limba e de sa cultura sarda

maillòni , nm: meollone, meilloni Definitzione sóriche de padente, de àrvure, de monte, topi de mata, medrona crabistada, genia de animaledhu areste chi assimbígiat unu pagu a unu sórighe mannu, essit solu addenote e istat die die dormiu; àtera arratza de animale chi si assimbígiat e tenet is matessi abbitúdines ma pagu prus matucu Sinònimos e contràrios sorighealzu / sorigàrgia Frases est dormiu coment'e unu mailloni Terminologia iscientìfica anra, eliomys quercinus sardus Tradutziones Frantzesu loir Ingresu edible dormouse Ispagnolu lirón Italianu ghiro Tedescu Siebenschläfer.

mannicantínu , agt Definitzione nau de unu, chi papat, papat meda; nau de cosa, chi est bona a papare, chi si papat Sinònimos e contràrios manicantinu, mastigajolu, papadore Frases bi at pitzinnos vonos e malos, brenniosos e aficatos a sos libbros, linghesos e mannicantinos 2. est essita a ghirare erva mannicantina: finucru, veta, gardu e àteru Ètimu srd. Tradutziones Frantzesu comestible Ingresu edible Ispagnolu comestible Italianu mangeréccio Tedescu eßbar.

sorigàrgia , nf Definitzione can'e serra, genia de animaledhu chi assimbígiat unu pagu a su sórighe, a coa longa meda e grussa, pilosa, essit a denote, istat dormiu die die e totu s'ierru Sinònimos e contràrios ghiri 1, mailloni Frases sa sorigàrgia essit a denoti, dhi praxit a abarrai in pissu de is matas e a dedí s'atacat in su niu Terminologia iscientìfica anra, glis glis melonii Ètimu srd. Tradutziones Frantzesu loir Ingresu edible dormouse Ispagnolu lirón Italianu ghiro Tedescu Siebenschläfer.