Ditzionàriu in línia
de sa limba e de sa cultura sarda

ispinnigàdu , agt Definitzione chi dhi ammancant is prabaristas Tradutziones Frantzesu sans paupières Ingresu without eyelid Ispagnolu sin párpados Italianu sènza pàlpebre Tedescu ohne Augenlider.

pabarísta , nf: piberista, pibirista, piperista, pipirista, prabarista, praberista Definitzione pinnas, fodhes, o covacu o pedhe de s'oju, su pigighedhu de sa pedhe chi, unu a manu de fundhu e unu a manu de pitzu, ammontant s'ogu e fintzes is pilighedhos chi portant ororu Sinònimos e contràrios pàrpala, pibirita, pínnula, prabedha, proburista Maneras de nàrrere csn: furriare sa pibirista (de subra) = pònnere s'oru subra, ziradu a manera de si poder bídere s'ala de intro pro ndhe bogare carchi brutura; pigare a pibiristas, bíderesi una cosa in pibiristas = in ogros, bídere su perígulu acurtzu meda, própiu sutzedindhe; pàrriri fendi pabaristas de santu = fàghere faina tropu a irmasionu, tropu addàsiu; pistai is pabaristas = istare abberindhe e serrendhe a meda sas pibiristas, pistincai Frases aiat ascurtau chene mòghere pipirista ◊ s'ispina est intrada a sa piperista o a s'ànzelu? ◊ si bos lu ponizis in pibiristas, su fogu!…◊ at sartau sa muredha in tempus de unu pistincu de prabaristas ◊ is ogus iant a bolli obèrriri sa praberista 2. sa timoria dai sos pes mi ch'est pigada a pibiristas ◊ gighet sas piberistas longas e chíbberas che tudha de porcu Terminologia iscientìfica crn Tradutziones Frantzesu paupière, cil Ingresu eyelash, eyelid Ispagnolu párpado, pestaña Italianu pàlpebra, cìglio Tedescu Lid.

pàrpala , nf: pàrpara, pràpada, pràpula Definitzione sa pedhe o covecu chi ammontat s'ogu Sinònimos e contràrios pabarista, pínnula, prabedha Frases réndhias sont sas pàrpalas e a s'ischintidha bia de sa mirada rutu est su tadhàine de sa morte ◊ donadhi su chi bolit, mancai ndi dhu essat in is pràpulas de is ogus! Terminologia iscientìfica crn Tradutziones Frantzesu paupière Ingresu eyelid Ispagnolu párpado Italianu pàlpebra Tedescu Augenlid.