Ditzionàriu in línia
de sa limba e de sa cultura sarda

casàca , nf Definitzione genia de trastu a bestire in pitzu Terminologia iscientìfica bst Ètimu itl. Tradutziones Frantzesu casaque Ingresu jacket Ispagnolu casaca Italianu casacca Tedescu Kasack.

cianchèta , nf: giacheta, tzacheta* Definitzione genia de bestimentu, prus che àteru grussu, a bestire in pitzu, longa de is codhos a is nàdigas Sinònimos e contràrios giaca Frases fit bestidu in pantalones e ciancheta Terminologia iscientìfica bst Tradutziones Frantzesu veste, jaquette Ingresu jacket Ispagnolu chaqueta Italianu giacca Tedescu Jacke.

fachína , nf: frachina Definitzione genia de bestimentu de pònnere a pitzu, coment’e giaca Sinònimos e contràrios fracu 2 Frases dhu tengu bellixedhu, a capedhu e a fachina ◊ cun sa fachina posta paris unu marchesu! ◊ a tui no ti apu prenu s'ogu poita ca no portu fachina e capedhu! Ètimu srd. Tradutziones Frantzesu veste Ingresu jacket Ispagnolu chaqueta Italianu giubba Tedescu Jacke, Kamisol.

tzachèta , nf: ciancheta, tzancheta, zangheta Definitzione genia de bestimentu, prus che àteru grussu, de pònnere in pitzu a bestire in is bratzos e ammontare palas e petorras Frases in sas sartorias festant e cosint tzanchetas de ómine ◊ béstidi sa tzacheta ca est faghindhe fritu! ◊ no andhes in mànigas de camisa, ca no ti deghet in logu gai: menzus pònedi sa tzacheta! Sambenados e Provèrbios smb: Zanchetta Ètimu itl. giacchetta Tradutziones Frantzesu veste Ingresu jacket Ispagnolu chaqueta Italianu giacca Tedescu Jacke.