Ditzionàriu in línia
de sa limba e de sa cultura sarda

legítimu , agt: lezítimu, ligítimu, lizítimu Definitzione chi est cunforma a sa lei, nau prus che àteru in su sensu de dha tènnere, calecuna cosa, in manera onesta, a norma de lei, cun arrexone / fizu lezítimu = fillu tentu in famíglia, de sa fémina (o de s'ómini) chi unu (o una) at cojau Sinònimos e contràrios létzitu | ctr. mostrengu / buldu Frases cussa peta fit parte lezítima e parte furada ◊ in cue b'aiat prus burdos chi no lezítimos Ètimu itl. Tradutziones Frantzesu légitime Ingresu lawful Ispagnolu legítimo Italianu legìttimo Tedescu rechtmäßig.

pobidhàre 1, pobidhàri , agt, nm Definitzione chi est cosa lítzida, de su mere; su o sa mere de domo Sinònimos e contràrios mere | ctr. furadu Frases movenno s'istorúmene de su coro e aprontanno sa crara vengància pro cunnennare s'úrtima mancància fatu a su pobidhare taju issoro (B.Liori)◊ apo penciau po esse su suo, su magiolu, ma paret ca no fuat pobidhare 2. is cosas de fura dhas pagas a su pobidhare ◊ andha a sos pobidharis chi as aggraviadu, chi ti perdonent! Ètimu srd. Tradutziones Frantzesu légitime Ingresu lawful Ispagnolu legítimo Italianu legìttimo Tedescu rechtmäßig, gesetzmäßig, legitim.