Ditzionàriu in línia
de sa limba e de sa cultura sarda

sambesúca, sambesúe , nf: sambisua, sambisue, sambisuga, sambisui, sammesughe, sangusúisi Definitzione bobboi chi poniant a che suspire unu pagu de sàmbene; in cobertantza, chie isfrutat s’àteru; sa prupa de s’ambidhiola de un’animale Sinònimos e contràrios abbisui, ambisújula, angassua, sanghisúgina, sangunera / ttrs. sanghisúgina / irfrutadore 2. cussos sunt semper prontos che sammesughes a dare pacu e a picare meda Terminologia iscientìfica crp, hirudo medicinalis Ètimu ltn. sanguisuga Tradutziones Frantzesu sangsue Ingresu leech Ispagnolu sanguijuela Italianu sanguisuga Tedescu Blutegel.

sangunèra , nf Definitzione bobboi chi poniant a suspire sàmbene; in cobertantza, chie isfrutat s'àteru o istat a tropu in calecuna cosa chi dhi praghet / s. de mari = lampreu, zenia de pische chi assemizat a s'ambidha (petromyzon marinus) Sinònimos e contràrios abbisui, ambisújula, angassua, sambesuca, sanghisúgina Frases candu is sanguneras si funta bèni allogiadas dhas istacànt 2. arratza de sangunera, nura mia: candu atacat a chistionai no nd'ispítzigat prus! ◊ sangunera pasteratza chi satzas is bramas chi ti assogant sangrendu a chini t'istimat (F.Onnis) Terminologia iscientìfica crp, hirudo medicinalis Ètimu ctl. sangonera Tradutziones Frantzesu sangsue Ingresu leech Ispagnolu sanguijuela Italianu sanguisuga Tedescu Blutegel.