Ditzionàriu in línia
de sa limba e de sa cultura sarda

elmizólu , nm: ermizolu Definitzione genia de guronedhu chi essit in su fodhe o prabarista de s'ogu, in s'oru; genia de maladia apicigadita chi ponet callentura e poi faet a essiduras in sa carre Sinònimos e contràrios abruzone, algiolu, braxolu, corjolu 1, epístula 1, frommizolu*, mammurgiolu, trummunzolu / purciada, rugiore, russete Terminologia iscientìfica mld Tradutziones Frantzesu rougeole Ingresu measles Ispagnolu sarampión Italianu morbillo Tedescu Masern (Pl.).

pigòne, pigòni , nm Definitzione duas genias de maladia apicigosa: una chi faet sa pedhe a marcos (pabedhas niedhas), a fossighedhos, comente sanant is fruschedhas; s'àtera pigat prus che àteru a is piciochedhos e faet a essiduras orrúbias (pabedhas burdas) de cara a totu sa carena e a callentura; in cobertantza dhu narant po cosa o persona ifadosa, piciochedhu malu, botosu Sinònimos e contràrios arzolu, buata, pigota / ociada, rosa 1, rusete / ifadu, nischitzu, pibinca / bagiariotu, mauchedhu, serpellucu Frases a sa becesa su pigoni!…◊ seu morendi de pigoni ◊ ancu dh'abbruset su pigone! 3. is pigonis no depint assuconai is mannalissas passendu! Terminologia iscientìfica mld Tradutziones Frantzesu variole, roséole Ingresu black smallpox, german measles Ispagnolu viruela negra, roséola Italianu vaiòlo néro, rosolìa Tedescu Pocken, Röteln.

rugiòre , nm: rujore, ruviore Definitzione su èssere orrúbiu (nau prus che àteru de sa pedhe de su cristianu); maladia chi faet a essiduras orrúbias Sinònimos e contràrios arrubiori, rubiesa / elmizolu, òrcia, purciada, russete Frases sa peta est cochendhe a focu lenu, a rujores ◊ li lughiant sos ojos de cuntentu, sas massidhas pintadas de rujore (P.Fae)◊ sa zovanedha si li est acurtziada ispossiandhe unu surrisu e improvisos ruviores de cara 2. custas dies su pitzinnu zughet su rujore e no est andhendhe a iscola Terminologia iscientìfica mld Ètimu srd. Tradutziones Frantzesu rougeole Ingresu measles Ispagnolu sarampión, eritrosis Italianu morbillo, eritròsi Tedescu Masern.

rusète , nm Definitzione maladia apicigosa chi benit prus che àteru a is piciochedhos e faet a essiduras orrúbias in cara e in totu sa carena e a callentura Sinònimos e contràrios ociada, pigone, rosa 1, russeta / cdh. russitu Terminologia iscientìfica mld Tradutziones Frantzesu roséole Ingresu german measles Ispagnolu roséola Italianu rosolìa Tedescu Röteln.

russèta, russète, russètu , nf, nm Definitzione pobedha ortziada, maladia apicigosa chi benit prus che àteru a is piciochedhos e faet a callentura e a essiduras orrúbias in cara e in totu sa carena Sinònimos e contràrios arrosa 1, elmizolu, òrcia, orrosedhu, rugiore, rusete Terminologia iscientìfica mld Ètimu itl. rossetto Tradutziones Frantzesu rougeole Ingresu measles Ispagnolu sarampión Italianu morbillo Tedescu Masern.