Ditzionàriu in línia
de sa limba e de sa cultura sarda

bartzadèra , nf: bratzadera, bratzatera Definitzione una parte de su fosile, genia de lóriga o fasca a cricu po mantènnere paris sa canna cun sa càscia / andhare a bratzatera = a s'abbratzeta Sinònimos e contràrios crispedhu Ètimu spn., ctl. abrazadera, abrassadera Tradutziones Frantzesu embout Ingresu metal ring Ispagnolu abrazadera Italianu ghièra Tedescu Unterring.

metàllu , nm: mitallu Definitzione genia de materiale o elementu chímicu chi si distinghet po fortilesa manna, po sa capacidade de si atrotogiare chentza si segare, de si lassare alladiare a pigighedhu fine o filivili, de fàere passare s'elétricu, su calore ma no sa lughe Tradutziones Frantzesu métal Ingresu metal Ispagnolu metal Italianu metallo Tedescu Metall.