Legenda Incurtzaduras | Legenda Sìmbulos

addromitiólu , nm Definitzione meighina chi si giaet a su malàidu po dh'addromitiolare, in totu o in parte, prus che àteru de no sentire dolore po dhi fàere operatzione Sinònimos e contràrios dormitóriu, indrommitóriu Ètimu srd. Tradutziones Frantzesu somnifère Ingresu sleeping pill Ispagnolu somnífero, narcótico Italianu sonnìfero, narcòtico Tedescu Schlafmittel, Betäubungsmittel.

dormitóriu , nm: addormentóriu, drommitóriu Definitzione su fàere dormire cun meighina, sa meighina etotu chi si giaet po addromitiolare su malàidu prus che àteru po dhi fàere calecuna operatzione / dare o fàghere su dormitóriu Sinònimos e contràrios addromitiolu, anestéticu, indrommitóriu Frases a sa pessone de operare li daent su drommitóriu e no si sapit de nudha ◊ in sas tzucas de su binu bi ponzesint su drommitóriu pro lu combidare a sas guàrdias Tradutziones Frantzesu anesthésie, anesthésique, narcose, somnifère Ingresu anaesthesia (general), anaesthetic, sleeping pill Ispagnolu anestesia Italianu narcòsi, anestesìa, sonnìfero, anestètico Tedescu Narkose, Schlafmittel, Narkotikum.

muscardínu , nm Definitzione meighina a bisura de caramelledha, de ingurtire intrea o iscagiada in s'abba Sinònimos e contràrios pastíglia, péndhula 1 Ètimu itl. moscardino Tradutziones Frantzesu pilule, comprimé Ingresu pill Ispagnolu comprimido, píldora Italianu comprèssa, pasticca Tedescu Tablette.

péndhula 1 , nf: pénnula, píndula Definitzione meighina a bisura de caramelledha, prus che àteru tundha, de ingurtire intrea o iscagiada in s'abba Sinònimos e contràrios ttrs. píndura Frases apo ranzas de sale de dogni pesu e píndhulas de dare a bentre atata ◊ su dotori mi at donau píndulas po dormiri Ètimu ctl. píndola Tradutziones Frantzesu pastille, pilule Ingresu pill Ispagnolu píldora, pastilla Italianu pastìglia, pìllola Tedescu Tablette, Pille.

«« Torra a chircare