Ditzionàriu in línia
de sa limba e de sa cultura sarda

istèa , nf: isteva, steva Definitzione parte de s'arau chi si fichit in sa dentale e ue intrat sa timona, cun d-una genia de màniga curtza, su manale po manigiare totu s'arau Sinònimos e contràrios istantalíciu Frases leas s'isteva e sas funes retiras: "Ara, purpurí! E it'as chi no tiras?!"◊ tiu Barore, mastru de arados, arminzendhe istaiat tota die: oe un'isteva faghiat a mie e cras una dentale a sos connados Ètimu ltn. *steva po stiva Tradutziones Frantzesu mancheron Ingresu plough-stilt Ispagnolu esteva Italianu stiva Tedescu Kielraum.

manàle, manàli , nm Definitzione in s'arau de linna est unu petzu intrau in s'isteva coment'e una màniga: sa màniga o manu de s'arau, a ue si leat s'arau arandho (in s'arau de ferru is mànigas funt duas) Sinònimos e contràrios manile, manissa, manua, manuntza Frases tiu Barore, mastru de arados e subra de sa fossa li ant postu una rughe símile a su manale ◊ sos manales de s'aradu antigu Ètimu srd. Tradutziones Frantzesu mancheron Ingresu plough-stilt Ispagnolu esteva, mancera Italianu stégola Tedescu Pflugsterz, Sterz.

manúnta, manúntza, manúnza , nf: manuza 2, manutza Definitzione sa màniga o manu de s'arau, intrada in s'isteva; donniunu de is bàtoro istantaloros o bandhelas de su telàrgiu Sinònimos e contràrios manale, manile, manissa, manua Frases boliat manigiai s'arau ma aciungiat apenas a is manutzas e dhoi podiat veti abarrai atacau Sambenados e Provèrbios smb: Manunta, Manunza Terminologia iscientìfica msg Ètimu ltn. *manucia Tradutziones Frantzesu mancheron Ingresu plough-stilt Ispagnolu esteva Italianu stégola Tedescu Pflugsterz.