Ditzionàriu in línia
de sa limba e de sa cultura sarda

immelmadúra , nf Definitzione su immermare Sinònimos e contràrios irmamadura 2. tenzo duas dies de immelmadura e sa faina in binza est fata! Ètimu srd. Tradutziones Frantzesu ébourgeonnement, ébourgeonnage Ingresu pruning Ispagnolu el despimpollar Italianu scacchiatura Tedescu Ausgeizen.

pruàcia , nf: pruatza, pudàcia, pudassa, pudata, pudatza, puràcia, puratza Definitzione aina pitica segante, a bisura de càvana, de pigare a una manu, a màniga curtza, impreada fintzes po pudare / fai de p. sa bíngia = ibecióngiu, segrestai, bogare in croba sa bide seghendhecheli sas cannas chi no serbint Sinònimos e contràrios fudatza, pudagiola, pudatone, pudatzola, putatorja Frases is bingiateris manígiant sa pudatza po pudai sa bíngia ◊ segau su tzugu a puratza boliant, candu faint cosas sentza de cuscéntzia! Terminologia iscientìfica ans Ètimu srd. Tradutziones Frantzesu émondoir Ingresu pruning bill Ispagnolu podadera Italianu potatóio Tedescu Hippe.

pudadúra , nf: putatura Definitzione su pudare, nau fintzes de sa manera; sa linna segada pudandho Sinònimos e contràrios pudera, pudóngiu Frases isse at manuza segura in sa pudadura 2. sa pudadura collidendhela a su fogu! Tradutziones Frantzesu émondage Ingresu pruning Ispagnolu poda Italianu potatura Tedescu Baumschnitt, Beschneidung.