Legenda Incurtzaduras | Legenda Sìmbulos

arcubaràdu , nm Definitzione arcu paradu, firmu (arcu de chelu, de sole, de s'abba, de donnu Deu): s'arcu totu a colores (sete) chi a bortas faet in s'aera candho proet (prus che àteru apustis chi at própiu) Sinònimos e contràrios arcunieri, circannoeu, circhiola, circonnieri, circuvòglia, circuvròngia Frases ti chelzo ofrire in finitia su costúmene de sa zente mia cun sos colores de s'arcubaradu Ètimu srd. Tradutziones Frantzesu arc-en-ciel Ingresu rainbow Ispagnolu arco iris Italianu arcobaléno Tedescu Regenbogen.

catzerèi , nm Definitzione pisci o catzu de urrei: una genia de pische de mare, de calecunu prammu, de bellos colores (diferentes de mascu a fémina): faet in oros de orroca, in costera, o logos de pallamarini Terminologia iscientìfica psc, coris julis Tradutziones Frantzesu girelle Ingresu african rainbow wrasse Ispagnolu budión, doncella Italianu donzèlla Tedescu Meerjunker.

circannoèu , nm: circunueu, gircannoeu Definitzione su circu o arcu de Noè: arcu de chelu, de sole, de s'abba, de Donnu Deu, de nui: s'arcu chi essit in s'aera in tempus de abba, totu a colores (sete) Sinònimos e contràrios arcubaradu, arcunieri, circhiola, circonnieri, circuvòglia, circuvròngia Frases circunueu a mengianu, sinnabi de tempus malu Ètimu srd. Tradutziones Frantzesu arc-en-ciel Ingresu rainbow Ispagnolu arco iris Italianu arcobaléno Tedescu Regenbogen.

circhiòla, circhiòlla , nf: cirichiolla Definitzione cricu, línia tundha serrada e mescamente arcu de chelu, de sole, de s'abba, de Donnu Deu, de nui: s'arcu chi essit in s'aera in tempus de abba, totu a colores (sete) Sinònimos e contràrios chílciu / alcubbalenu, arcubaradu, arcunieri, circannoeu, circonnieri, circuvòglia, circuvròngia Frases mamas e piciochedhus brintant a mari in circhiola, a manus pigadas (G.Solinas) 2. circhiola a merí, cras bona dí ◊ sa luna fait s'incaracua in mesu de una circhiolla de nébida ◊ sa vida est una circhiolla ◊ is coloris de sa circhiolla funt seti Ètimu srd. Tradutziones Frantzesu arc-en-ciel Ingresu rainbow Ispagnolu arco iris Italianu arcobaléno Tedescu Regenbogen.

«« Torra a chircare