Ditzionàriu in línia
de sa limba e de sa cultura sarda

piatígliu , nm, nf: platígliu, pratígliu, pratilla, pratílliu, pratillu Definitzione genia de pratu pitichedhedhu chi si ponet asuta de sa cíchera de su cafei o de àtera díscua pitica (in cussu de sa missa si ponet s'óstia manna innanti e apustis de sa cunsacratzione)/ èssiri a cíchera e p. = (nau de ccn.) totu bene cuncordau, bene bestiu Sinònimos e contràrios piatarinu, prataredhu, pratarígliu, pratericu, prataritu Frases papendi portat unu pratigliedhu cun cuatru olias iscabeciaras ◊ si no est a cíchera e pratígliu no bessit de domu! ◊ su pratígliu de sa missa est de metallu pretziau Terminologia iscientìfica stz Ètimu spn. Tradutziones Frantzesu petite assiette, patène Ingresu saucer Ispagnolu platillo Italianu piattino, patèna Tedescu Untertasse.

pratarígliu , nm: pratirílliu Definitzione pratu piticu Sinònimos e contràrios piatígliu, prataredhu, pratiritu Tradutziones Frantzesu petite assiette Ingresu saucer Ispagnolu platillo Italianu piattèllo Tedescu Tellerchen.

servíglia , nf Definitzione genia de pratígliu chi si ponet asuta de una tassa o de un'ampudha portandho a bufare Sinònimos e contràrios piatígliu Ètimu ctl.a servilla Tradutziones Frantzesu soucoupe à verre Ingresu saucer Ispagnolu posavasos Italianu sottocòppa Tedescu Glasuntersatz.