Ditzionàriu in línia
de sa limba e de sa cultura sarda

cativériu , nm, nf: cautivéria Definitzione su èssere isciau, iscrau Sinònimos e contràrios isciaedude, scravidadi Frases cherzo istare in cativériu: prèndhemi, chi est ditza mia si sos Moros sunt che tue! ◊ sos oos los tzotzat sa pudha in cativériu…◊ frústalu e tènelu in cautivériu! Terminologia iscientìfica Ètimu spn. cativerio Tradutziones Frantzesu esclavage Ingresu slavery Ispagnolu esclavitud, cautiverio Italianu schiavitù Tedescu Sklaverei.

isciaedúde , nf: isciaidude, isciaitúdine, iscravidúdine Definitzione su èssere isciau, iscraos, ma fintzes su dèpere fàere o sufrire cosa a tempos longos chentza si ndhe pòdere iscabbúllere Sinònimos e contràrios cativériu, scravidadi Frases sas Iscrituras sagradas contant s'iscravidúdine de sos Ebreos ◊ tocat a si libberare de s'isciaitúdine de sos víssios Tradutziones Frantzesu esclavage Ingresu slavery Ispagnolu esclavitud Italianu schiavitù Tedescu Sklaverei.