Legenda Incurtzaduras | Legenda Sìmbulos

suciài , vrb: sutzare Definitzione suspire, imbucare sa cosa tirandhochedha cun s'ària, coment'e a surbidura a buca Sinònimos e contràrios isciuciai / súere / aciupae, assuspiri Frases cussos sunt animales chi creschent a fortza de sutzare sàmbene ◊ su criu si nche dormiat sutzandhe sa crapichera 2. cudhos ndhe ant de su póveru sutzadu su sàmbene caldu de sas venas suas (S.Paulesu) Ètimu itl. Tradutziones Frantzesu sucer Ingresu to suck Ispagnolu chupar Italianu succhiare Tedescu saugen.

súere , vrb: súghere, sui, súiri Definitzione suciare su late de sa tita, comente faet su fedu piticu / pps. sutu, súghitu, ger. suendho, suendi, suendu, sughendhe, suindhe Sinònimos e contràrios sulli Frases candho su pipiu pranghet, sa mama dhi giàt sa tita o su suidore, deasi su pipiu s'istentat suendho ◊ candho su crapitu no sughiat deretu, su pastore che l'ispremiat late a buca ◊ su sirbonedhu aiat sutu e si fit abbrentadu ◊ s'ebba si firmat ca su pudhéricu depet súghere ◊ fit a criadura minore ancora suindhe ◊ sos porchedhos ant súghitu ◊ sa mamma de late fit cudha chi daiat a súghere a unu fizu anzenu Ètimu ltn. sugere Tradutziones Frantzesu téter Ingresu to suck Ispagnolu mamar Italianu poppare Tedescu saugen.

súghita , nf: suta 2 Definitzione su súere, suciada o tirada de late a suidura Sinònimos e contràrios sughinzu Ètimu srd. Tradutziones Frantzesu tétée Ingresu suck Ispagnolu mamada Italianu poppata Tedescu Saugen.

«« Torra a chircare