Ditzionàriu in línia
de sa limba e de sa cultura sarda

limbúdu , agt: limbutu, limmudu, lingudu, linguru Definitzione chi costumat a foedhare meda e prus che àteru male puru, chentza arrespetu Sinònimos e contràrios bauladori, bucaleri, limbilongu, linguau, slinguau / cdh. lingutu Frases sas feminedhas de oje… medas sont isfrigonzidas, limbudas e cramoradas ◊ cussos sunt limbudos, ma bene faedhados ◊ sa genti a bortas est lingura mera ◊ dha bòciu coment'e una perdixi, linguda sfamiera! ◊ dona atentzioni, fémina lingura! Terminologia iscientìfica ntl Ètimu srd. Tradutziones Frantzesu bavard, potinier Ingresu talkative Ispagnolu lengüilargo Italianu linguacciuto Tedescu klatschhaft.

paraletadòre , nm Definitzione chie istat sèmpere a barra posta, sèmpere foedhandho fintzes chentza capia Sinònimos e contràrios argioleri, ciaciareri, faedheri, foxileri, ladrapedhu, paraleta, prafateri, tàcula, tzarrantinu Frases in bidha sa peràula fit unu muntone de cosas e neune faghiat carriera pro èssere paraletadore Ètimu srd. Tradutziones Frantzesu loquace Ingresu talkative Ispagnolu locuaz Italianu loquace Tedescu gesprächig, redselig.