Ditzionàriu in línia
de sa limba e de sa cultura sarda

ríspiu , nm Definitzione genia de mufa, maladia de is pipiedhos a buca: buca mala, essia Sinònimos e contràrios cdh. scia Terminologia iscientìfica mld, Candida albicans Tradutziones Frantzesu muguet Ingresu thrush Ispagnolu especie de afta Italianu mughétto Tedescu Mundschwämmchen.

solitària, solitàriu , nf, nm: sulitaju, sulitàriu Definitzione mérula de turre, genia de pigione chi assimbígiat a su turdu, niedhu, faet su niu fintzes in istampos mannos in is muros de is domos a oros de fora de sa bidha, costumat a istare a sa sola Frases solitàriu, fui: sa bidha no est logu de puzones! Terminologia iscientìfica pzn, monticola solitarius Tradutziones Frantzesu merle bleu Ingresu blue rock thrush Ispagnolu roquero solitario Italianu pàssero solitàrio Tedescu Blaudrossel.

trúllu 1 , nm Definitzione pilloni 'e tàcula (ma sa meurra puru est pilloni 'e tàcula): portat su petorru unu pagu grogo (s'àteru est in colore de chinisu) e in Sardigna faet abbitu a meda in ierru e in beranu Sinònimos e contràrios ilmultidu, murtidu, trudu, trúdulu Terminologia iscientìfica pzn, turdus philomelos Ètimu ltn. turdus Tradutziones Frantzesu grive Ingresu thrush Ispagnolu tordo Italianu tórdo Tedescu Drossel.