Ditzionàriu in línia
de sa limba e de sa cultura sarda

abrúlla , nf: ebrulla Definitzione calidades de erbas bonas chi si arregollent po papare ma chi creschent desesi chentza dhas prantare Sinònimos e contràrios ebrúgiu Frases chi dhoi fut mitza si castiàt po martutzu o laixedhu e in cungiau ínnidu po àteras abrullixedhas (P.Caredda)◊ fut beranu, su logu fut prenu de abrulla e mammai iat fatu un'insalda a prandi. Ètimu srd. Tradutziones Frantzesu herbe potagère Ingresu vegetables (greens) Ispagnolu hierbas silvestres buenas para comer Italianu erbàggio Tedescu Kräter.

bildúra , nf: birdura, vildura Definitzione genia de erbas chi si prantant (e fintzes chi faent a solas) po dhas papare; cosa birde, erba Sinònimos e contràrios ebrúgiu Frases mancu in antas de rios bi at birdura, de su sicore! ◊ cust'orcu tenèt un'ortu bellu mera cun tanti birdura ◊ in su sartu si frimmat a bodhire birduras chi creschent in sos cunzaos ◊ acostit, bèngiat ca teneus bella birdura segada custu mengianedhu! Tradutziones Frantzesu légumes verts, verdure Ingresu vegetables Ispagnolu verdura Italianu verdura Tedescu Gemüse.

ortulàmini , nm: orturàmini Definitzione cosas de ortu, birduras chi si prantant in is ortos Sinònimos e contràrios oltalíscia Frases a bendi dhoi at cos'e ortulàmini, petza, pisci e àteras cosas Ètimu srd. Tradutziones Frantzesu légumes Ingresu vegetables Ispagnolu hortaliza, verdura Italianu verdure Tedescu Gemüse.