Ditzionàriu in línia
de sa limba e de sa cultura sarda

rundhajólu , agt, nm Definitzione chi o chie costumat a istare in giru, perilloi perillai, a trevessu peri su logu Sinònimos e contràrios arringau, arroliadori, randhaju, rundhanu, runnadore / bacamundhu, bandhuleri, ilimbitanu, garroneri, peldulàriu, rundhellu, zirellu Frases a sa cane li amus postu "Rundhajola" ◊ matzone rundhajolu si tucat solu solu tota note a ziru Terminologia iscientìfica ntl Ètimu srd. Tradutziones Frantzesu flâneur Ingresu dawdler Ispagnolu azotacalles Italianu bighellóne Tedescu Herumtreiber.

rundhéllu , agt, nm Definitzione chi o chie istat rundhendhe, perilloi perillai, in giru a trevessu Sinònimos e contràrios andariegu, arroliadori, bandhuleri, garroneri, giranteri, orrunderi, rundhajolu, rundhanu, zirellu, zirulanu Frases ndhe l'apo ghiradu maza maza dae ziru, cussu rundhellu! Ètimu srd. Tradutziones Frantzesu flâneur Ingresu stroller Ispagnolu azotacalles Italianu gironzolóne Tedescu Herumtreiber.

ruxulòne , agt, nm: arruxulone Definitzione chi istat sèmpere in giru, a trevessu andhandho peri su logu Sinònimos e contràrios ifainadu, ilimbitanu, irvaliendhadu, rundhajolu, rundhellu Tradutziones Frantzesu flâneur Ingresu loafer Ispagnolu azotacalles Italianu bighellóne Tedescu Herumtreiber.