Ditzionàriu in línia
de sa limba e de sa cultura sarda

mandhadàgliu, mandhadàlzu, mandhadàrzu , agt, nm Definitzione persona chi unu mandhat a foedhare sa fémina chi si bolet a cojuare, o fintzes po àtera miscione Sinònimos e contràrios apagiadori, comisionàrgiu, paraímpiu, tratadore Frases mi as imbiadu su mandhadàgliu pro ischire si aia tempus Ètimu ltn. mandatarius Tradutziones Frantzesu faiseur de mariages Ingresu paranymph Ispagnolu paraninfo, casamentero Italianu paraninfo Tedescu Ehestifter, Ehevermittler.

paraímpiu , nm: paralímpiu, paralimpu, paranimpu, paraninfu, parapimpu Definitzione chie andhat a foedhare una fémina po pobidha po contu de àtere, chie cumbinat cójuas Sinònimos e contràrios apagiadori, cojadori, comisionàrgiu, gantzaju, mandhadàgliu, pabonicu, parémpiu, poborimpu, tratadore Frases a li deghiat una pugnalada a su paralimpu chi at fatu su cógiu! ◊ no serbit prus paraninfu po fai domanda de coja! ◊ candho su paralímpiu andhaiat a domo de sa picioca, beniat fatu cicire in d-una cadiredha iscòncia Tradutziones Frantzesu paranymphe Ingresu paranymph Ispagnolu casamentero Italianu prònubo Tedescu Ehestifter.