Ditzionàriu in línia
de sa limba e de sa cultura sarda

atzegaméntu , nm Definitzione su atzegai, fintzes in su sensu de malatratare, pistare a ccn., istrupiare Sinònimos e contràrios atzegadura, inturpamentu / alluscadura 2. lassa cussu atzegamentu de dha pònnede a zurare! Tradutziones Frantzesu aveuglement Ingresu blinding Ispagnolu ceguera Italianu accecaménto Tedescu Blenden.

tzegúmene, tzegúmine , nm Definitzione su èssere tzurpos, su no bíere, su no bíere sa beridade, is cosas comente funt, s'arrexone Sinònimos e contràrios insurpia, turpíghine, tzeghesa, tzeghidúdine, tzurpedade Ètimu srd. Tradutziones Frantzesu cécité Ingresu blindness, ignorance Ispagnolu ceguera Italianu cecità Tedescu Blindheit.

tzurpedàde, tzurpedàdi , nf: tzurpidadi Definitzione su èssere tzurpos, pecu mannu a sa vista de no bíere: in cobertantza, farta manna de cumprendhóniu, su no bíere o no cumprèndhere sa beridade, su bene, su giustu Sinònimos e contràrios surpímini, tzeghedadi, tzeghesa, tzegúmene, tzurpia 2. ita tzurpidadi est istétia sa mia!… Ètimu srd. Tradutziones Frantzesu cécité Ingresu blindness Ispagnolu ceguera Italianu cecità Tedescu Blindheit.