Legenda Incurtzaduras | Legenda Sìmbulos

cincidhaméntu , nm Definitzione su cincidhai; brínchidu o iscópiu de ischintídhias, su istare ischintidhiandho Sinònimos e contràrios cincidhada, ischintidhonzu Ètimu srd. Tradutziones Frantzesu étincellement Ingresu sparkling Ispagnolu chisporrotear Italianu scintillaménto, sfavillaménto Tedescu Funkeln.

ischentidhàre , vrb: ischinditare, ischinnitare, ischintidhare, ischintidhiare, istinchidhiare, ischintzidhare, istinchidhare Definitzione bogare, fàere ischintídhias; fèrrere, imbrutare a ischintídhias, a istídhigos de calecuna cosa Sinònimos e contràrios cicidhai, cincidhiri, cispai, ischintiridhare, istodhicare, scincidhai Frases su fogarone est traghidendhe e istinchidhendhe ◊ bi at linna chi ischentidhat meda, in su fogu 2. no est in sa natura mia su de istinchidhare ◊ che perla de coradhu ses lughente, che críbinu topàtziu ischinnitas (A.Soggiu) 3. est abbarrau totu ischintzidhau e pimpirinau de pistuléssia Ètimu srd. Tradutziones Frantzesu étinceler Ingresu to sparkle Ispagnolu chispear, chisporrotear Italianu sfavillare, far scintille Tedescu Funken sprühen.

ischintiridhàre , vrb Sinònimos e contràrios ischentidhare Frases candho ischintiridhat sa linna est traconarja Ètimu srd. Tradutziones Frantzesu crépiter Ingresu to crackle Ispagnolu chisporrotear Italianu scoppiettare Tedescu knistern.

iscochidài , vrb: scochidai Definitzione fàere un'iscóchidu, iscóchidos Sinònimos e contràrios tzacarrai Frases iscochidendi parit una bricicheta de fogu! ◊ isparatórias a grória avatu de s'una s'àtara iscóchidant e tzacarrant ◊ fragu bellu friendi de pisci friscu de mari e in s'ollu iscochidendi tríllias e callammaris Tradutziones Frantzesu crépiter Ingresu to crackle Ispagnolu chisporrotear, crepitar Italianu scoppiettare Tedescu knistern.

«« Torra a chircare