Ditzionàriu in línia
de sa limba e de sa cultura sarda

chímbe , agt, nm: chimbi, chimme, cimme, cincu, cíncui Definitzione su tanti de is pódhighes de una manu (in números àrabbos 5, in números romanos V): coment'e agt. no càmbiat, ma tenet su pl. candho est nm. Maneras de nàrrere csn: su chimbunu = su 20%, unu in chimbe; erba de cincu venas (o de cincu filus) = nerviada, prantaxa; bènniri is cincu minutus = pèrdere sa passéntzia, artziare a conca Frases as incontrau a una chi possediat chimme sodhos istampaos! ◊ is didus de sa manu funt cincu ◊ su mundhu est unos chimbe Continentes ◊ "Cherimus un'àrbor'e pache!" narant sos chimbe orfanedhos zocandhe, chin càndhida boche de nibe (P.Mura) 2. duos chimbes faghent deghe ◊ dae custos números bogamindhe totu sos chimbes 3. gei dhu scis ca seu cosa de pagu fidai: chi mi benint is cincu minutus nci essu in coranta mois! Ètimu ltn. cinque Tradutziones Frantzesu cinq Ingresu five Ispagnolu cinco Italianu cìnque Tedescu fünf.

erbagràbuna , nf Definitzione genia de erba chi narant fintzes erba de cordedha, de tàgliu, origa de lèpuri o língua de cani Sinònimos e contràrios nerviada 1 Terminologia iscientìfica rba, Plantago lanceolata Tradutziones Frantzesu plantain Ingresu plantain Ispagnolu llantén menor, cinco venas Italianu piantàggine Tedescu Spitzwegerich.