Ditzionàriu in línia
de sa limba e de sa cultura sarda

aciumài , vrb: aciummai Definitzione bufare a meda, a cantu tirat cannada Sinònimos e contràrios abbumbare, acirrai, atzuntzurrare, bufae, bufetare, cionciare, imbreacare, inciummare, ingúllere, sorgonare, trincai Tradutziones Frantzesu pinter Ingresu to tipple Ispagnolu empinar el codo Italianu sbevazzare, tracannare Tedescu unmäßig trinken, saufen.

coidàle , nm: coitale, cubidale, cuidale, cuitale Definitzione in sa carena, s'annoigadórgiu in sa mesania de su bratzu Sinònimos e contràrios cuidu Frases fit cun benujos e coidales iscalaviados ◊ bene sétidu in sa cadrea, arrambat sos cuidales a sa mesa ◊ s'at issaponatu su tzucru e sos bratzos fintzas a sos cuitales Terminologia iscientìfica crn Ètimu ltn. cubitale(m) Tradutziones Frantzesu coude Ingresu elbow Ispagnolu codo Italianu gómito Tedescu Ellbogen.

cuídu, cúidu , nm: cuitu, cúriu, cúvidu, guidu Definitzione in sa carena, s'annoigadórgiu in mesania de su bratzu / fàghere a cuidu (nau de is moris, istradas e cosas aici) = furriai, fai una furriada Sinònimos e contràrios coidale Frases su sutzu de manos a cuidos ti ch'est falendhe, comente zughes cussa cosa! ◊ zughet sa camisa pinnigada in mànigas fintzas a su cuidu Terminologia iscientìfica crn Ètimu ltn. cubitus Tradutziones Frantzesu coude Ingresu elbow Ispagnolu codo Italianu gómito Tedescu Ellbogen.

dugonàre , vrb Definitzione bufare meda Ètimu srd. Tradutziones Frantzesu boire comme une éponge Ingresu to booze Ispagnolu empinar el codo Italianu bére spésso e mólto Tedescu saufen.

inciummàre , vrb Definitzione bufare (binu) meda Sinònimos e contràrios abbumbare, acirrai, aciumai, bufae, imbreacare, inciumire*, ingullire, trincai Tradutziones Frantzesu pinter Ingresu to booze Ispagnolu empinar el codo Italianu sbevazzare Tedescu saufen.