baínta , nf: banita Definitzione una genia de sacone prenu a pígiu grussu parívile de cosa modhe (lana, crinu, àteru) po letu, largu e longu su matessi tanti, cun puntos de tretu in tretu a manera de mantènnere su prenimentu istérriu chentza si ammuntonare o fàere a fossu; a logos est sa bàina po chistire una ferramenta acutza / agu de b. = agu manna po fai matalafus, longa meda de pòdiri passai de una parti a s'àtera Sinònimos e contràrios ballita, istrabunta, mantabafu, sabanita, sacone, tramata 1 Frases faghendhe de su letu sa grabbada a coguzu li ponet sa banita, a isterrer li ponet sa fressada! ◊ sa banitedha de su pipiu est prena de lana ◊ sa banita est totu a búngios: est po cussu chi non drommo ◊ preniant sa banita de lana, de paxa, de arvutzu, de crinu Ètimu srd. Tradutziones Frantzesu matelas Ingresu mattress Ispagnolu colchón Italianu materassa Tedescu Matratze.

mantabàfu , nm: mantalafu, mantalassu, mantellafu, matalafu, matalatzu, matelafu, mentelafu Definitzione modhita, una genia de sacone (o camisa) prenu a pígiu grussu parívile de cosa modhe (lana, crinu, àteru) po letu, largu e longu su matessi tanti de su letu, cun puntos de tretu in tretu a manera de agguantare su prenimentu istérriu chentza si ammuntonare o fàere a fossu / m. de sacu = sacone; m. corciau = cun sos puntos postos de parte a parte pro muntènnere sa lana istérrida frimma e parívile Sinònimos e contràrios bainta, ballita, istrabunta, sabanita, tramata 1 Frases teniat su matalafu de sacu prenu a mamma de sèssiri ◊ soi dépia andai a dommu de Luigina po dhi fai su mantalafu Ètimu ctl. matalaf, matalàs Tradutziones Frantzesu matelas Ingresu mattress Ispagnolu colchón Italianu materasso Tedescu Matratze.

tramàta 1 , nf: tramatza 1, tremata Definitzione banita, una genia de sacone (o camisa) prenu a pígiu grussu parívile de cosa modhe (lana, crinu, àteru) po letu, largu e longu su matessi tanti, cun puntos de tretu in tretu de parte a parte (in su sensu de sa grussària) a manera de poderare su prenimentu istérriu chentza si ammuntonare o fàere a fossu Sinònimos e contràrios bainta, ballita, istrabunta, mantabafu, sabanita, sacone / cdh. stramatza Frases sas tramatas de lana sunt caentosas ◊ sas tramatas chi essiant dae manos de su tramataju nostru no las faghiant mancu sos menzus tapetzeris ◊ istat mezus cue chi no in su bàntzigu, ancus chi assupridu de tremata de issurdorija Ètimu itl. stramazzo Tradutziones Frantzesu matelas Ingresu mattress Ispagnolu colchón Italianu materasso Tedescu Matratze.

«« Torra a chircare