Ditzionàriu in línia
de sa limba e de sa cultura sarda

acumpagnaméntu , nm: acumpangiamentu, acumpannamentu, acumpanzamentu Definitzione su acumpangiare; sa gente o is persones chi andhant aifatu de ccn. po dhu acumpangiare Sinònimos e contràrios acumpagnada / acumpagnu, brefessioni, cannavia, crufassona, poltiscione Frases ge nci at a ai arratza de acumpangiamentu candu isposat filla tua!…◊ a s'acumpagnamentu de su mortu bi aiat zente meda ◊ po s'intrada a Castedhu, a s'arciobispu dhi ant fatu unu bellu acumpangiamentu Ètimu srd. Tradutziones Frantzesu cortège Ingresu procession Ispagnolu cortejo, acompañamiento Italianu cortèo, séguito Tedescu Geleit.

fastígiu , nm Definitzione su fastigiare, su ammorare tra ómine e fémina Sinònimos e contràrios ammoronzu, fastigiamentu Frases no ti dha pighis in fastígius: fai lampau e tronau! ◊ ariseru in crésia dhui apu biu unu fastígiu ◊ mancai siat in fastígius de sendi pitia, cussa est fémina chi aturat bagadia! ◊ contamí su contu de su fastígiu! Ètimu ctl. festeig Tradutziones Frantzesu cour, flirt Ingresu courting Ispagnolu cortejo, ligue Italianu corteggiaménto, amoreggiaménto Tedescu Koserei.