Ditzionàriu in línia
de sa limba e de sa cultura sarda

cacariàre , vrb: cracariare, crocoriare Definitzione su cantare chi faent is pudhas, fàere cacàrios Sinònimos e contràrios calcarare, cocolae, iscacarare Frases pariat una pudha cacariandhe ◊ una corronca est fuida crocoriendhe Tradutziones Frantzesu caqueter, coasser Ingresu to make a din, to croak Ispagnolu cacarear, croar Italianu schiamazzare, crocchiare, gracidare Tedescu schnattern, quaken.

carcagliaméntu , nm Definitzione su istare carcagliendhe, agrogostiandho Tradutziones Frantzesu croassement Ingresu croaking Ispagnolu el croar continuo Italianu gracchìo Tedescu Gequake.

dhadharàre , vrb Definitzione sa boghe e su cantare chi faent is arranas Sinònimos e contràrios cacariare, cascararare Frases ue in pojatzos dhadharàt sa rana como cantant sas màchinas a glória (P.Casu)◊ una bolta una rana dae su ludu ue faghiat vida dhadharendhe bidet altu altu unu boe matudu pagu atesu in su padru pasculendhe (Limbaresu)◊ sas ranas de carrela e de su poju intendho dhadharendhe una pro una ◊ s'arranedha dhàdharat su cantu antigu Ètimu srd. Tradutziones Frantzesu coasser Ingresu to croak Ispagnolu croar Italianu gracidare Tedescu quaken.

dhàdharu , nm Definitzione sa boghe e càntigu de is arranas Frases s'intendhet dhàdharu de ranedhas Terminologia iscientìfica bga Ètimu srd. Tradutziones Frantzesu coassements Ingresu croaking Ispagnolu el croar de las ranas Italianu gracidìo Tedescu Gequake.