Ditzionàriu in línia
de sa limba e de sa cultura sarda

isprúma , nf: ispuma, sprumma Definitzione bobbollonchedhas a meda a meda, prenas de ària, de pàrrere cosa bianca e bulla, mescamente de cosa budhindho Sinònimos e contràrios isciuma, scuma / bae, saliatzu Frases su mústiu betendhe a sa cuba faghet ispruma meda ◊ su sabone faghet a ispruma Ètimu ltn. spuma Tradutziones Frantzesu écume Ingresu foam Ispagnolu espuma Italianu schiuma Tedescu Schaum.

scète 1, scèti , nm: iscete* Definitzione sa parte bianca càndhida e prus fine de sa farra; sa farra chi bolat sedatzandho o molendho; pane de cocòi / s. lecu = podha Sinònimos e contràrios boledu, podha 1, pódhine Frases su trigu mentanu est totu scèti ◊ s'órgiu móliu dhu passànt in su sedatzu po nd'isceberari su scete ◊ no ammescures su scete cun su pódhini! 2. cussa no cretas chi fiat scèti de fai óstias! 3. custa at fatu su pani e dh’est iscarésciu unu scèti in su forru Tradutziones Frantzesu fleur de farine Ingresu superfine flour Ispagnolu espuma de harina Italianu fiór di farina Tedescu Auszugmehl.