Ditzionàriu in línia
de sa limba e de sa cultura sarda

addestraméntu , nm Definitzione imparamentu pràtigu fatu arrepitindho unu cumportamentu, a bisura de abbitúdine pigada Sinònimos e contràrios addestradura Frases dh'iant fatu fai totu s'addestramentu in preparatzioni a sa gherra Tradutziones Frantzesu entraînement Ingresu training Ispagnolu formación Italianu addestraménto Tedescu Schulung, Abrichtung.

adunàda , nf Definitzione atóbiu de gente meda, prus che àteru de militares po órdine de is cumandhantes Sinònimos e contràrios atóbiu Tradutziones Frantzesu rassemblement Ingresu muster Ispagnolu formación (mil), concentración Italianu adunata Tedescu Versammlung, Appell.

annéstriu, annéstru , nm Definitzione totu su chi si narat o chi si faet a unu po dh'imparare s'educatzione Sinònimos e contràrios educascione, imparu, iscussada Frases no ndhe li at dadu de annestru a su fizu e como si ndhe impudat! ◊ annéstrios e cossizos retziant babbu e fizos! (G.A.Mura) Ètimu srd. Tradutziones Frantzesu éducation Ingresu education, training Ispagnolu educación, formación Italianu educazióne, addestraménto, istruzióne Tedescu Erziehung, Ausbildung, Bildung.