Ditzionàriu in línia
de sa limba e de sa cultura sarda

crocoladúra , nf Definitzione su crocolare, genia de moida de abba budhindho, o de fogu allutu a fràmmula, fintzes sa moida e genia de samunóngiu chi si faet in buca mantenendho abba o meighina in s'ingurtidórgiu serrau e faendhodha coment'e budhire faendho passare pagu pagu de ària in essia de is prumones Sinònimos e contràrios gongollotza, gragallizu Ètimu srd. Tradutziones Frantzesu gargarisme Ingresu gargle Ispagnolu gárgaras Italianu gargarismo Tedescu Gurgeln.

gragallízu , nm Definitzione genia de samunóngiu chi si faet in su tretu de su gúturu agguantandho abba o meighina in s'ingurtidórgiu serrau e faendhodha coment'e budhire faendho essire pagu pagu de ària Sinònimos e contràrios crocoladura, gurgulisci Tradutziones Frantzesu gargarisme Ingresu gargle Ispagnolu gárgaras Italianu gargarismo Tedescu Gurgeln.