Legenda Incurtzaduras | Legenda Sìmbulos

bobboriscína, bobborisína, bobborissína , nf: bubburissina Definitzione bobboi pitichedhu de tantas calidades chi faet sa tana in terra o in truncos sicaos de matas (sa conchiruja): a milas andhant e torrant a sa tana a filera carrandho semenedhos e faendho unu camminedhu in terra Sinònimos e contràrios callaredha, formica, formígula Frases siat Ovodha, Gavoi o Fonne a sa fromiga nat bobborissina (I.Casula) Terminologia iscientìfica crp Ètimu srd. Tradutziones Frantzesu fourmi Ingresu ant Ispagnolu hormiga Italianu formica Tedescu Ameise.

formíca , nf: formiga, formija, frommiga, frommígia, frommija, frommixa, frummiga, frummígia, furmica Definitzione bobboedhu minudu (upm) de tantas calidades chi faet sa tana in terra o in truncos sicaos de mata: a milas andhant e torrant a sa tana carrandho semenedhos e faendho unu camminedhu in terra; genia de apicàlliu minudedhu fatu cun duas tirighedhas de pramma intéssia / genias de frommiga: niedha, conchiruja o pitziruja (formiga pitzigajola), luzana (minudedhedha e de colore mélinu), chin sas alas, callai; niu de formiga = cala, tana de f., formigarzu; formighedhas = zenia de maladia; pasciénscia de frommija = passéssia manna; istrintu che unu cú de frommiga = prus de gai!… Sinònimos e contràrios bobborissina, callaredha, formígula Frases a sa cosa de manigare acudit sa frommiga ◊ sa frommiga conchiruja móssigat, sa niedha est púdida ◊ su salatieri a giru a giru est totu prenu de fromiga ◊ sa frommígia conchi rúgia est iscoltighendhe su carru ◊ cussa frommija faghet su nidu in sa linna fràziga ◊ pòvera s'arzola chi timet sa frommiga! ◊ circhendu bellesa impegnada ti biu traghendu a su niu che sa fromiga (R.Locci) 2. dhui currint a usu de fromighedhas ◊ portu sa conca coment'e unu niu de formigas: no biu s'ora de mi crocai Sambenados e Provèrbios smb: Formica, Formiga / prb: si est tocada, fintzas sa frommígia si bortat! Terminologia iscientìfica crp, crematogaster scutellaris, messor barbarus, iridomyrmex humilis, formica lugubris Ètimu ltn. formica Tradutziones Frantzesu fourmi Ingresu ant Ispagnolu hormiga Italianu formica Tedescu Ameise, Argentinische Ameise (iridomyrmex humilis).

formígula , nf: frammígula, fremmígula, frimmígula, fromígula, frommíula, frumícula, frummígula Definitzione bobboedhu minudu de tantas calidades chi faet sa tana in terra o in sa linna, in truncos sicaos de mata / andhare a passu de formígula = abbellu abbellu Sinònimos e contràrios bobborissina, callaredha, formica Frases ealla, como, tota custa zentória tuchendhe a sa festa a lerina che fromígula ◊ su falche finas dai cuss'altària bidet una zanchita de fromígula ◊ iscura s'alzola chi timet sa frammígula! Terminologia iscientìfica crp Tradutziones Frantzesu fourmi Ingresu small ant Ispagnolu hormiga Italianu formìcola Tedescu Ameise.

«« Torra a chircare