Ditzionàriu in línia
de sa limba e de sa cultura sarda

chircadòre , agt, nm: circadori, cricadore Definitzione chi o chie cricat, o istat cricandho, essit a cricare; istudiosu chi cun métidu iscientíficu faet cricas aprufundhias Sinònimos e contràrios chircante / istudiosu Frases istinchidha de fraile atzesa mandhat adhae s'ojada chircadora ◊ sos chircadores no abbastaiant a cumprèndhere a ue fit isparida sa gama Ètimu srd. Tradutziones Frantzesu chercheur Ingresu searcher Ispagnolu investigador Italianu ricercatóre Tedescu Forscher.

compudadòre , nm, agt: cumpudadore, cumpudadori Definitzione chi o chie cómpidat, avérguat calecuna cosa, andhat a castiare, a bíere, istat sèmpere compidendhe cosa, a su cómpida cómpida fintzes ue o cosa chi no depet Sinònimos e contràrios compidajolu, forrogadori Ètimu srd. Tradutziones Frantzesu chercheur Ingresu rummager, searcher Ispagnolu revisor, investigador Italianu controllóre, frugatóre, ricercatóre Tedescu Kontrolleur, Kramer, Forscher.

imbistigadòre , nm Definitzione chie si ponet a ispreculare, a fàere dimandhas po bòllere ischire Sinònimos e contràrios spigulari, trodhincu Tradutziones Frantzesu investigateur Ingresu detective Ispagnolu investigador Italianu investigatóre Tedescu Detektiv.

istudiósu , agt, nm Definitzione chi si ponet a istudiare, chi dhue ponet aficu, cabu, contivígiu a s'istúdiu; chie si apentat a tota vida o a dónnia modu coment'e trebballu a istudiare, a fàere istúdios Frases pitzinnu istudiosu, cussu: mai botzadu l'ant! ◊ pisedha istudiosa e intelizente: totu votos artos tenet! Tradutziones Frantzesu studieux Ingresu studious, scholar Ispagnolu estudioso, investigador Italianu studióso, ricercatóre Tedescu Wissenschaftler.