Ditzionàriu in línia
de sa limba e de sa cultura sarda

alidédhu , nm: alidredhu, aradedhu, aridedhu, alitzedhu, lidredhu, olidedhu Definitzione una genia de chibudhita areste o cibudha de colorus, o fintzes allixedhu o chitarredhas, chi si est segada bogat coment'e sogas o filos de súciu apicigosu: sa candhelita (e fintzes sa concutza o chibudhita) est bona a papare Sinònimos e contràrios filavila, lampajone, orrubina, scriudha Terminologia iscientìfica rba, Muscari comosum Ètimu ltn. aretillum Tradutziones Frantzesu muscari à toupet Ingresu tassel hyacinth Ispagnolu jacinto comoso Italianu cipollàccio Tedescu Schopfige Traubenhyazinthe.

giassíntu , nm: giatzintu, giuatzintu, giussintu Definitzione una genia de frore fragosu meda a fogighedhas fines: creschet a solu in Sardigna in logu de monte Frases frore de giuatzintu mi apo bodhidu in s'ortu…◊ che unu pipiedhu su giussintu mi anninnat… Terminologia iscientìfica frs, Hyacinthus orientalis Ètimu spn. Tradutziones Frantzesu jacinthe Ingresu hyacinth Ispagnolu jacinto Italianu giacinto Tedescu Hyazinthe.