Ditzionàriu in línia
de sa limba e de sa cultura sarda

cabadhàre , nm: cabadhari, cadhari, cuadhari Definitzione persona a cuadhu, chie est bonu a cicire cuadhos Sinònimos e contràrios cabadhante, cadheri Frases sos cabadhares nugoresos fint andhandhe a Santu Frantziscu ◊ sa die de sa festa essit sa protzessione chin sos cabadharis ◊ sos cadharis zuchent sas bértulas prenas de provistas Sambenados e Provèrbios smb: Caddari Ètimu ltn. caballaris Tradutziones Frantzesu cavalier, jockey Ingresu horseman, jockey Ispagnolu caballero, jinete Italianu cavalière (persóna a cavallo), fantino Tedescu Reiter, Jockey.

cadhéri , nm: cavadheri, covadheri, cuadheri Definitzione persona a cuadhu, chie est bonu a cicire cuadhos Sinònimos e contràrios cabadhare Frases bentos inchimerados che ant a trazare cadhos e cadheris ◊ che cadheri atzudu mi paret de cúrrere su cadhu de sa vida ◊ sos cadhos e pudhedros sunt torrados e bisonzat chi torrent sos cadheris! Ètimu srd. Tradutziones Frantzesu cavalier Ingresu horseman Ispagnolu caballero, jinete Italianu cavalière Tedescu Reiter.

setzidòre , nm: setzidori Definitzione nau de ómine, chi est àbbile a cicire e cúrrere cuadhos; in cobertantza, chi petit meda a féminas Frases su para fiat bonu setzidori e de su cuadhu no nci fiat arrutu ◊ su cadhu fit mesu incréschidu de sa zente e de su setzidore Ètimu srd. Tradutziones Frantzesu cavalier Ingresu horseman Ispagnolu jinete Italianu cavallerizzo Tedescu Reiter.